மன்னாரில் 13 வயது சிறுமி காணாமல் போய் கண்டுபிடித்து ஒரு நாளில்….. தவறான முடிவெடுத்து மரணித்த சோகம்!!

மன்னாரில் 13 வயதுடைய சிறுமி ஒருவர் தூக்கில் தொங்கிய நிலையில் சடலமாக மீட்கப்பட்டுள்ளதாக காவல்துறையினர் தெரிவித்துள்ளனர்.

தலைமன்னார் பிரதான வீதி,எருக்கலம்பிட்டி 1 ஆம் வட்டார பகுதியை சேர்ந்த சிறுமி ஒருவர் நேற்று திங்கட்கிழமை(12/02 /2024) அதிகாலை அவரது வீட்டில் இவ்வாறு மீட்கப்பட்டுள்ளார்.

குறித்த சிறுமி சில தினங்களுக்கு முன்னர் காணாமல் போன நிலையில்

வவுனியாவில் இருந்து மீட்கப்பட்டு கடந்த ஞாயிற்றுக்கிழமை (11/02/2024) வீட்டிற்கு அழைத்து வரப்பட்ட நிலையில் குறித்த துயர சம்பவம் இடம் பெற்றுள்ளமை தெரிய வருகிறது.

இந்த சம்பவம் தொடர்பாக மேலும் தெரிய வருகையில்,

குறித்த 13 வயதுடைய சிறுமி காணாமல் போன நிலையில் சிறுமியின் பெற்றோர் மன்னார் காவல் நிலையத்தில் முறைப்பாடு செய்திருந்தனர்.

இந்த நிலையில்,

குறித்த சிறுமி வவுனியாவில் உள்ள சிறுவர் நிலையம் ஒன்றுக்கு சென்ற நிலையில் நேற்று முன்தினம் தினம்(11/02/2024) ஞாயிற்றுக்கிழமை அங்கிருந்து மீட்கப்பட்டு அவரது வீட்டிற்கு அழைத்து வரப் பட்டுள்ளார்.

இந்நிலையில்,

குறித்த சிறுமி தனது வீட்டில் தூக்கில் தொங்கிய நிலையில் நேற்றைய தினம்(12/02/2024) திங்கட்கிழமை அதிகாலை சடலமாக மீட்கப்பட்டுள்ளார்.

மன்னார் காவல்துறையினருக்கு தகவல் வழங்கப்பட்ட நிலையில் மன்னார் காவல்துறையினர் வருகை தந்து சடலத்தை மீட்டு மன்னார் மாவட்ட பொது வைத்தியசாலையில் ஒப்படைத்துள்ளனர்.

சிறுமி கடந்த சில நாட்களாக மன அழுத்தத்தில் காணப்பட்டதாகவும் தெரிய வருகிறது.

சடலம் மன்னார் மாவட்ட பொது வைத்தியசாலையின் பிரேத அறையில் வைக்கப்பட்டுள்ளதுடன் குறித்த சிறுமியின் மரணம் தொடர்பாக மன்னார் காவல்துறையினர் விசாரணைகளை முன்னெடுத்து வருகின்றனர்.