நாடு முழுவதும் தொடர்ச்சியாகப் பெய்து வரக்கூடிய பலத்தமழை காரணமாக வரலாறு காணாத அளவில் நாளையதினம் (29.11.2025) கொழும்பில் வெள்ளம் ஏற்படும் அபாயம் உளளதாக எச்சரிக்கை விடுக்கப்பட்டுள்ளது. களனி ஆற்றுப் பள்ளத்தாக்கின் தாழ்வான பகுதிகளில் பெரும் வெள்ளப்பெருக்கு ஏற்படக்கூடும் என நீர்ப்பாசனத்துறை எச்சரிக்கை விடுத்துள்ளது. களனி ஆற்றுப் பள்ளத்தாக்கின் பல இடங்களில் தற்போது அதிகமழை பெய்து வருகின்றமை குறிப்பிடத்தக்கது.
மழைப்பொழிவின் அடிப்படையில், மேல் களனி நதிப் பள்ளத்தாக்கிலிருந்து வெளியேற்றப்படும் நீரின் அளவு மறறும் களனி நதிப்பள்ளத்தாக்கு, எஹெலியகொட, நோர்வுட், யட்டியந்தோட்ட, கலிகமுவ, ருவன்வெல்ல, புலத்கெஹீபிட்டிய,தெஹியோவிட்ட, சீதாவக்க, தொம்பே, படுக்க, ஹோமாகம, கடுவெல, பியகம போன்ற இடங்களில் நீர்ப்பாசனத்துறையால் பராமரிக்கப்படும் ஆற்றுநீர் அளவீடுகளின் நீர் மட்டங்களின் பகுப்பாய்வு ஆகியவை அடுத்த 48 மணி நேரத்திற்குள் நிகழும் எனவும் தெரிவிக்கப்பட்டுள்ளது.
கொலன்னாவ, களனி, வத்தளை மற்றும் கொழும்பு பிரதேச செயயலகப் பிரிவுகளில் களனிநதிப் பள்ளத்தாகக்கின் தாழ்வான பகுகதிகளில் கடுமையான வெள்ளப்பெருக்கு ஏற்படக்கூடும் என நீர்ப்பாசனத்துறை எச்சரிக்கை விடுத்துள்ளது. இந்த சூழ்நிலையிலிருந்து உயிர்களையும் சொத்துக்களையும் பாதுகாக்க, அந்தப் பகுதிகளில் வசிக்கும் பொதுமக்கள், அந்தப் பகுதிகள் வழியாகப் பயணிக்கும் ஓட்டுநர்கள் மற்றும் பயணிகள் மிகுந்த எச்சரிக்கையுடன் செயல்படுமாறு நீர்ப்பாசனத்துறை கோரிக்கைவிடுத்துள்ளது.
