ஜனவரி நடுப்பகுதியில் உள்ளூராட்சி சபைத் தேர்தல்…!

ஒத்திவைக்கப்பட்டுள்ள உள்ளூராட்சி மன்றத் தேர்தல்கள் எதிர்வரும் ஜனவரி மாதம் இரண்டாம் வாரத்தில் நடத்தப்படும் என தேர்தல்கள் ஆணைக்குழு வட்டாரங்கள் தெரிவிக்கின்றன.

2023ஆம் ஆண்டு மார்ச் 9ஆம் திகதி தேர்தலை நடத்தத் திட்டமிட்டிருந்த போதும், அதற்குப் பணம் ஒதுக்கப்படவில்லை என்று கூறி தேர்தலை அரசு ஒத்திவைத்தது.

அதுவரை செயல்பட்டு வந்த 331 உள்ளாட்சி அமைப்புகளின் பதவிக்காலம் முடிவடைந்தது. அந்த நிறுவனங்கள் தற்போது சிறப்பு ஆணையரின் கட்டுப்பாட்டில் இயங்கி வருகின்றன.

இதையடுத்து, இது தொடர்பாக உச்ச நீதிமன்றத்தில் பல மனுக்கள் தாக்கல் செய்யப்பட்டன. அவற்றை பரிசீலித்த உச்ச நீதிமன்றம், உள்ளாட்சி தேர்தலை விரைவில் நடத்த தேர்தல் ஆணைக்குழுவுக்கு உத்தரவிட்டது.

இதன்படி எதிர்வரும் ஜனவரி மாத நடுப்பகுதியில் 20 மாநகர சபைகள், 36 நகர சபைகள் மற்றும் 275பிரதேச சபைகளுக்கான தேர்தலை நடத்துவதற்கு தேவையான நடவடிக்கைகள் பொதுத் தேர்தலின் பின்னர் உடனடியாக ஆரம்பிக்கப்படும் எனத் தெரியவருகிறது.