நுவரெலியா பொருளாதார மையத்திலிருந்து இன்று (09.12.2025) சுமார் 73,000 கிலோகிராம் மரக்கறிகள் கொழும்புக்கு அனுப்பப்பட்டுள்ளதாகத் தெரிவிக்;கப்பட்டுள்ளது. கொழும்பிலுள்ள கொள்வனவாளர்களுக்கு பெரும்தேவை ஏற்பட்டதைத் தொடர்ந்து, மரக்கறிகள் அனுப்பி வைக்கப்பட்டுள்ளதாக நுவரெலியா பொருதளாதார மையத்தின் முகாமையாளர் தெரிவித்தார்.
நேற்றைய தினமும் (08) 73,000 கிலோகிராம் மரக்கறிகள் கொழும்புக்கு அனுப்பப்பட்டதாகவும், இது மொத்த வர்த்தகர்களிடமிருந்து நிலையான கேள்வியைக் காட்டுவதாகவும் அவர் கூறினார். மேலும் நுவரெலியா பொருளதார மையத்தில் 1கி.கிராம்கோவா 150 ரூபாவும், கரட் 190 ரூபாவும், 1 கி.கிராம் லீக்ஸ் 190 ரூபாவும் ஆக காணப்படுகின்றது.
அத்துடன் 1கி.கிராம் பீட்ரூட் 230 ரூபாவும், 1 கி.கிராம் உருளைக்கிழங்கு 260 ரூபாவும், 1 கி.கிராம் சிகப்பு உருளைக்கிழங்கு 280 ரூபாவும் ஆக காணப்படுவதாக நுவரெலியா பொருளாதார மையத்தின் முகாமையளார் குறிப்பிட்டுள்ளார்.
