ஷூட்டிங் முதல் ரிலீஸ் வரை…. பக்கா பிளானுடன் களமிறங்கும் ‘தளபதி 65’ படக்குழு

நெல்சன் இயக்கத்தில் விஜய் நடிக்க உள்ள ‘தளபதி 65’ படத்தின் ஷூட்டிங் மற்றும் ரிலீஸ் குறித்த புதிய தகவல் வெளியாகி உள்ளது.

நடிகர் விஜய்யின் 65-வது படத்தை நெல்சன் இயக்க உள்ளார். இப்படத்தை தற்காலிகமாக ‘தளபதி 65’ என அழைத்து வருகின்றனர். சன் பிக்சர்ஸ் நிறுவனம் தயாரிக்க உள்ள இப்படத்திற்கு அனிருத் இசையமைக்கிறார். தற்போது இந்த படத்தின் முதற்கட்டப் பணிகள் விறுவிறுப்பாக நடைபெற்று வருகிறது. வருகிற புத்தாண்டன்று இப்படத்தின் தலைப்பை வெளியிட படக்குழு திட்டமிட்டுள்ளதாம்.

அதேபோல் ‘தளபதி 65’ படத்தின் படப்பிடிப்பை மார்ச் மாதம் தொடங்க முடிவு செய்துள்ளார்களாம். படப்பிடிப்பை மூன்று கட்டமாக நடத்தி முடித்து, அடுத்தாண்டு தீபாவளிக்கு படத்தை வெளியிட வேண்டும் என்ற பக்கா பிளானுடன் படக்குழு செயல்பட்டு வருகிறதாம். விஜய் நடித்துள்ள மாஸ்டர் படம் வருகிற பொங்கல் பண்டிகைக்கு ரிலீசாக உள்ளது. ஒரே வருடத்தில் விஜய்யின் இரண்டு படங்கள் ரிலீசாவதால் ரசிகர்கள் உற்சாகமடைந்துள்ளனர்