#Vachine

சீனாவிலிருந்து மேலும் ஒரு மில்லியன் சினோபார்ம் கொவிட் தடுப்பூசிகள் இலங்கைக்கு கிடைக்கப் பெறவுள்ளது. இராஜாங்க அமைச்சர் பேராசிரியர் சன்ன ஜயசுமன இந்த விடயத்தை ஊடகங்களுக்குத் தெரிவித்துள்ளார். அரச ஒளடதங்கள் கூட்டுத்தாபனத்தினால் இந்த தடுப்பூசிகள் சீனாவிடம் கோரப்பட்டிருந்த நிலையில், எதிர்வரும் ஜூன் மாதம் 6ஆம் திகதி குறித்த தடுப்பூசிகள் சீனாவிலிருந்து இலங்கைக்கு அனுப்பி வைக்கப்பட உள்ளது. இந்த சினோபார்ம் தடுப்பூசிகள் ஜூன் மாதத்திலேயே மக்களுக்கு ஏற்றப்பட உள்ளதாக இராஜாங்க அமைச்சர் பேராசிரியர் சன்ன ஜயசுமன தெரிவித்துள்ளார்.

சீன தயாரிப்பான சைனோபாம் தடுப்பூசிகள் 14 மில்லியன் டோஸை கொள்வனவு செய்ய 22 மில்லியன் அமெரிக்க டொலரை ஒதுக்க அமைச்சரவை அனுமதி அளித்துள்ளது. பிரதமர் மஹிந்த ராஜபக்ஷ தலைமையில் நடைபெற்ற அமைச்சரவைக் கூட்டத்தில் இந்த அனுமதி வழங்கப்பட்டது. சுகாதார அமைச்சர் பவித்ரா வன்னியாராச்சி இதற்கான அமைச்சரவைப்பத்திரத்தை முன்வைத்திருந்தார். நாடளாவிய ரீதியில் நவம்பர் 30 ஆம் திகதிக்கு முன்னர் தடுப்பூசி செலுத்த திட்டமிடப்பட்டுள்ளது.